Mes: enero 2008

FreeOrion é un xogo libre de estratexia, baixo [[GPL]], e dispoñible para diferentes plataformas, baseado na saga clásica de Master of Orion, aínda que inclúe características propias como o seu motor táctico ou a posibilidade de desenvolver construcións nacionais.

Recentemente foi publicada unha nova versión, a 0.3.1-RC7 de FreeOrion. Nesta versión, a pesar de estar marcada como release candidate, introducíronse novas características ao xogo.

• Na sección Correctores está dispoñible o corrector ortográfico e gramatical para o OpenOffice.org, ademais do corrector en galego para o Thunderbird, todos dispoñibles desde esta mesma web.
• Na sección Tradutores están as ligazón ao proxecto Traducindote baseado en tecnoloxías libres, ademais de ligazóns a distintos servizos de tradución automática….

• deseñar formularios para engadir, modificar ou eliminar rexistros das táboas da base de datos;
• deseñar as ligazóns (relacións un a moitos) dende un formulario a outro para navegar pola base de datos;
• deseñar e xerar informes baseados nos datos dunha táboa ou vista;
• editar e executar sentencias SQL.

OBOOE é unha nova Federación Europea que reúne a asociacións empresariais e organizacións relacionadas co Software Libre. Os obxectivos da Federación son os de fomentar a creación de redes entre fronteiras para as iniciativas nacionais, e converterse nunha voz para o sector.

As pequenas e medianas empresas (PEME) son as que crean a maioría dos produtos e solucións de Software Libre. Na actualidade, esta nova florecente industria de PEME está insuficientemente representada e a maioría da comunicación acerca das políticas de TI segue estando controlada polas grandes empresas.

Para cambiar esta situación, os representantes da industria de Software Libre reuníronse en Berlín o 10 de xaneiro. Decidiron pór en marcha unha Federación Europea de Asociacións de empresas de código aberto. A iniciativa, chamada OBOOE (Open Source Business Organizations Of Europe), ten como obxectivo agrupar as asociacións nacionais e rexionais das empresas de código aberto.

Con especial atención para as PEME, OBOOE aspira a converterse nunha voz común para a industria europea de software de código aberto. Vai promover e defender os intereses comúns deste novo ecosistema aberto que envolve ás PEME e os usuarios dos sectores privado e público.

Xavier Heymans, Bruxelas, o director xeral de zeapartners.org, rede de PEME de máis de 14 países, di: “OBOOE aumentará a concienciación nos éxitos das empresas de código aberto, cun enfoque especial nas Pemes. Polo tanto, apoiará e promoverá os intereses do ecosistema de código aberto ao contribuír a promocionar a eficiencia do mercado e o apoio a unha florecente industria europea.”

 

Fonte: DiarioLinux.com  

The Purple Plugin Pack é un paquete de módulos adicionais para Pidgin creado orixinalmente por Gary Kramlich e Stu Tomlinson, que se distribuíu como unha lista de complementos para o programa de mensaxería Pidgin. Estes complementos extenden as funcionalidades do cliente de mensaxería incluíndo novas características como autorespondedores, xestión da lista de contactos, integración con programas externos, …

• List Handler, é unha solución para importar a lista de contactos e podela exportar a outras contas. Garda os ficheiros en formato XML podendo importar os contactos dunha conta para outra.
• Ignore, permite ignorar selectivamente aos contactos seleccionados.
• Last Seen, visualiza o tempo que leva o contacto sen conectarse e cal fora a última mensaxe recibida.
• Highlight, este complemento engade soporte para resaltar as palabras especificadas polo usuario.
• Nick Said, fornece a posibilidade de saltar a unha conversa onde o teu nome sexa mencionado. Tamén se pode personalizar para alertar cando determinadas palabras estean nunha conversa.

War§ow é un xogo de acción 3D, baixo licenza [[GPL]] e dispoñible para diferentes plataformas, cunha estética colorista estilo cómic. Publicouse unha nova versión de War§ow, a 0.4, que supón unha importante evolución no motor do xogo.

A lista de novidades é a seguinte:

• WarsowTV: Mediante este sistema é posible transmitir as imaxes das partidas en directo a un elevado número de espectadores.
• Mellorouse o rendemento do motor do xogo e engadíronse efectos de bumpmapping, specularmapping e shadowmapping. Tamén é posible crear configuracións diferentes de vídeo, para poder intercambiar rápido entre elas.
• Engadíronse novos mapas ao xogo, e os que xa había recibiron un lavado de cara para adaptalos ás novas características do motor.

• Novo modelo de arma chamada “Instagun” e un novo personaxe: Bobot.
• Engadido o modo de xogo Duel Area (1v1) e fixéronse axustes nos modos iTMD e CTF.  
• Realizáronse diversos axustes nas armas que lles dan novas posibilidades de uso.
• O xogo é agora compatible con MacOS X.
• Para botar unha partida é necesario descargar o xogo completo (uns 168 MB).

• Free, Open-Source Ghost (FOG):
  Suite para clonado de discos para Windows XP e Vista que ten incluso interface web para xestionala. Un dos inconvenientes é que polo de agora só pode xestionar unha soa partición de disco.
• PING: «Partimage Is Not Ghost»:
  É un live-CD de Linux baseado en LFS (Linux From Scratch). Permite facer copias completas de particións, soporta backups a través de protocolos Samba (SMB), da BIOS, creación de DVD de restauración, etc…
• Partition Image:
  Utilidade Linux/Unix paracida ao Ghost de Symantec. Traballa cos seguintes sistemas de ficheiros: EXT2, Reiserfs, NTFS, HPFS, FAT16 e FAT32. Ten capacidade para comprimir as imaxes con bzip2 ou gzip e tamén pode dividilas en varias máis pequenas para poder gravalas máis facilmente.
• g4u «ghost for unix»:
  É un live-CD que permite o clonado dos discos usando FTP. Usado para restaurar unha imaxe de instalación dun PC en varios idénticos. O disco de arranque ofrece dúas funcionalidades: subir a imaxe comprimida do disco a un FTP, descargala a través do FTP e restaurala no disco. Permite o clonado tanto de particións como de discos enteiros…

• Linbox Rescue Server (LRS):
  Ferramenta para centralizar as imaxes dos discos duros (ao estilo do Ghost Enterprise Server), backups de ficheiros, inventario de hardware e software de sistemas Windows, Linux e Mac OS X, … Pódese xestionar a través de web e as imaxes poden restaurarse usando PXE ou un CD/DVD con arranque. Soporta Ext2/3, ReiserFS, XFS, JFS, e LVM v1/v2.
• Clonezilla:
  Ferramenta de clonado de discos que ten como particularidade que só salva e restaura os bloques de disco que están en uso. Foi usado para clonar un disco de 5GB a 40 clientes en tan só 10 minutos.

 

Máis información na fonte orixinal da nova:
http://cyberpunkcafe.com/page.php?82