Mes: enero 2008

Jordi Massaguer Pla vén de publicar un conector, EZforOb, que permite a comunicación entre eZ Publish e Openbravo ERP. A integración de Openbravo cun sistema de comercio electrónico era unha das peticións que a comunidade estaba demandando e que agora se pode facer por medio de eZ Publish.

EZforOb permite conectarse coa instancia Openbravo ERP e descarga o catálogo de produtos da mesma. Todos os catálogos descárganse nunha carpeta invisible, de modo que o administrador da tenda pode publicar estes produtos onde desexe.

Na páxina do proxecto eZforOb está o ficheiro para descargar é todos os detalles técnicos e instrucións explicando o proceso de instalación. A integración implementouse facendo uso da biblioteca de Servizos Web en Openbravo (concretamente Apache AXIS).

A empresa que levou a cabo o desenvolvemento da aplicación foi Opentrends.

A compañía de Internet AOL, filial do xigante mediático estadounidense Time Warner, decidiu suspender o desenvolvemento do navegador Netscape.

Tom Drapeau, director de Netscape dentro de AOL, anunciou no blogue de Netscape que desde a última versión número 9 do navegador até a 1.0, deixarán de estar dispoñibles a partir do 1 de febreiro de 2008. En opinión de Drapeau, AOL decidiu suspender o desenvolvemento de Netscape xa que foi «incapaz de gañar cuota de mercado e o número de usuarios diminuiu».

Por outra banda o mencionado directivo sinala que, tamén, polo «éxito de Mozilla Firefox á hora de desenvolver produtos moi louvados polo público, cremos que é o momento apropiado para suspender o desenvolvemento de Netscape e pasarlle a testemuña a Mozilla e instar aos usuarios de Netscape a que adopten o navegador Firefox»…

Extraído da Wikipedia Galega:
«Netscape Navigator foi un navegador web, o primeiro comercial, que foi o produto estrela de Netscape Communications Corporation, que dominou o mercado entre entre 1996 e 1999.
Desenvolveuno o equipo dirixido por Marc Andreesen que creou o Mosaic, ao que substituiu rapidamente. Saíu ao mercado o 13 de outubro de 1994 co nome de Mosaic Netscape 0.9.
Netscape Navigator creou novos estándares para a presentación de páxinas web, como táboas e marcos, e foi tamén o primeiro en incluír unha linguaxe de script, ao introducir na súa versión 2.0 JavaScript.
En marzo de 1988 Netscape liberou a maioría do código fonte do navegador e o colocou baixo a licenza de software libre.

Máis información en:
http://www.hispamp3.com

• Administración da auga.
• Engadido un simple sistema ecolóxico.
• Novos escenarios difíciles: extremadamente árido e extremadamente húmido.
• Engadiuse unha nova construción (pozo de auga), e toda a produción biolóxica depende da auga que se atope dispoñible.
• Realizáronse outras pequenas melloras e corrixíronse varios erros.

… mentres que o seu núcleo ou kernel esta escrito na linguaxe de programación [[C]], mentres que emprega como intérprete ECMAScript. A parte gráfica corre a cargo da librería de software Cairo, e esta dispoñible unha adaptación de Squeak, para os que estean máis cómodos empregando Smalltalk. O sistema de arquivos empregado é [[FAT]] (File Allocation Table), que aínda que algo anticuado é funcional.

Aínda se atopa en etapas temperás de desenvolvemento. Aínda que moi básico, algunhas persoas consideran que podería tratarse do armazón primario da competencia do XNA de Microsoft para o desenvolvemento de xogos, que grazas ao apoio de programadores de todo o mundo, podería gañar moito máis apoio. Isto, a semellanza de proxectos con éxito de carácter aberto como son GNU/Linux, Mozilla Firefox, Apache, ou OpenOffice.org. De momento, o proxecto continua e cada certo tempo libéranse novas actualizacións.

Fonte: Universo-nintendo.com