A versión 8.04 de Ubuntu recibirá o nome de Hardy Heron e aparecerá en abril do vindeiro ano. Canonical, responsable da distribución, lanzará unha versión para a comunidade e outra orientada a empresas e individuos con soporte a longo prazo garantido. Está prevista a aparición da 7.10 Gutsy Gibon en outubro deste ano.
A primeira versión de Ubuntu con soporte a longo prazo (Long Term Support) foi a Ubuntu 6.06 que apareceu en xuño de 2006. Estas versións contarán con actualizacións de seguridade durante cinco anos no caso do servidor e tres no caso de escritorio.
