A Xunta de Andalucía fixo pública a resolución da Orde de incentivos á innovación e modernización ás administracións locais, a que se presentaron 736 proxectos (un 30% máis que a anterior); deles, 224 proxectos baseábanse en software libre e foron aprobados para recibir incentivos por un valor de 15,1 millóns de euros.
O software que estes proxectos desenvolven publicarase no Repositorio de software libre da administración local para que se poida reutilizar. Nesta segunda convocatoria atópanse, como novidade, algunhas iniciativas que se relacionan coa consultoría e as infraestruturas para a televisión dixital terrestre.
A secretaria xeral de Telecomunicacións e Sociedade da Información, Pilar Rodríguez, presentou os resultados da orde durante o acto de inauguración de Mundo Internet. Na súa intervención, Pilar Rodríguez destacou a importancia da implicación de todos os sectores presentes no congreso para a construción da nova sociedade do coñecemento en Andalucía. Rodríguez sinalou o excelente resultado da nova convocatoria da orde de incentivos dirixida a fomentar o desenvolvemento de proxectos de innovación e de modernización dos concellos, nas deputacións e nas mancomunidades andaluzas.
Fontes: Barrapunto Software Libre II Conferencia Internacional Xunta de Andalucía
