Dous departamentos do concello de Amsterdam investirán unha cantidade cercana aos 400.000 dólares na avaliación do emprego de escritorios Linux. A capital holandesa busca reducir custos e superar o monopolio do provedor polo que avalía diferentes alternativas. Ademais de Amsterdam outras nove cidades dos Países Baixos como Eindohven ou Groningen tamén poderían migrar parcialmente a sistemas libres.
O contrato actual do concello con Microsoft expira no 2008 e, aínda que a cidade non ten previsto cancelalo, si espera gañar en independencia e gastar menos en software propietario. Outras grandes cidades como Viena, Múnich ou Birmingham están xa implantando tecnoloxías libres.
