Autor: Alberto

A «British Educational and Tecnology Agency» (BECTA), axencia gobernamental encargada do desenvolvemento informático e tecnolóxico no sistema educativo británico, advirte nun novo informe que as escolas británicas non deben actualizar o seu software nin a Vista nin a Office 2007.

Segundo o informe, a actualización a Vista nas escolas de Gran Bretaña, custaría ao redor de 350 millóns de dólares, dos cales dúas terceiras partes irían ás arcas de Microsoft e o resto á instalación, probas e actualizacións de hardware.

En canto a Office 2007 máis do mesmo. A axencia «non encontra argumento convincente algún para o seu despregue», como xa ocorrera no seu informe preliminar de xaneiro de 2007.

Neste mesmo informe, o organismo xa indicou que as escolas primarias podería aforrar o 50% dos gastos en ICT usando Sofware Libre…

Descrición

Requisitos

Contrato

Salario

INFORMACIÓN DE CONTACTO:

Preferentemente por e-mail en:  info @ 3.14financial.com

Telefonicamente no 981 94 87 78

A última versión deste motor de xestión de bases de datos acaba de aparecer, e chega con moitas novidades que o sitúan como unha alternativa moi válida respecto a MySQL, Oracle ou Microsoft.

Unha das melloras máis importantes é a integración da tecnoloxía HOT (Heap Organized Tuples), que mellora de forma crítica o rendemento das bases de datos que se actualizan cunha frecuencia moi alta. Outras novidades afectan á inclusión dos chamados «commits» asíncronos, soporte SQL/XML, procuras de texto nas base de datos ou a posibilidade de realizar escaneos simultáneos en grandes bases de datos.

«A evolución continua do xestor de datos de código aberto PostgreSQL dálles aos usuarios a opción de instalar unha base de datos non privativa, permitíndolles aforrar diñeiro, mellorar o rendemento e incrementar a produtividade. PostgreSQL 8.3 é unha versión impresionante e alentamos aos clientes de todo o mundo a que o exploren», di Rich Green, vicepresidente executivo de software de Sun Microsystems.

Fonte: Nota de prensa 

CLEO (Compact Library Extension Organizer) é unha extensión de Firefox que permite empaquetar todos os teus complementos e temas de Firefox nun só ficheiro .xpi, desta maneira evitamos ter que buscar e reinstalar todos os complementos un a un para instalalos nun segundo computador.

CLEO funciona conxuntamente con FEBE (Firefox Environment Extension Backup),para permitir facer copias de seguridade dos complementos. Unha vez instalados os dous complementos, só queda reiniciar Firefox e seleccionar no menú Ferramentas -> FEBE -> Cleo -> Opcións, e elixir onde queres gardar o paquete comprimido con todos os complementos…

Dentro das opcións de CLEO tamén podes personalizar a maneira na que se crea a copia de seguridade entre outras opcións.

Poder ler toda a información na fonte orixinal da nova:
http://www.linux.com

A compañía fundada por Philips, a holandesa NXP, vén de anunciar o lanzamento de Purple Magic, o primeiro dispositivo 3G que baixa da barreira dos 100 dólares. Gobernado por un sistema GNU/Linux reproduce música e vídeo e será a gama de entrada aos teléfonos intelixentes no sudeste de Asia, Europa do Leste e América Latina, segundo anuncia a compañía.

O dispositivo está baseado no NXP Nexperia 7210 con soporte real UMTS, cobertura do servizo nas redes 2G/3G e características multimedia avanzadas nunha plataforma integrada con procesador ARM926. O vicepresidente Dan Rabinovitsj, indicou que â??…GNU/Linux é a base para a próxima xeración de teléfonos móbiles…â?.

Os TI (técnicos en tecnoloxías da información e da comunicación) especializados en Software Libre gañan máis diñeiro que a media nacional de informáticos, segundo os resultados do primeiro censo de Software Libre en Australia.

A media de salario da industria do Software Libre en Australia está entre os 76.000$ e os 100.000$, pero o 10% dos empregados traballando a tempo completo só con Software Libre gañan «bastante máis» segundo a consultora que dirixe o estudo.

Se comparamos o salario co salario medio obtido da enquisa, os traballadores en Software Libre gañan ata 3 veces máis que a media nacional…

Uns primeiros datos do estudo foron expostos o venres na Linux.conf.au, onde a consultora responsable do mesmo comentaba que o 57% dos entrevistados o fai por hobby, o 24% traballa algunhas horas da súa xornada laboral en Software Libre e só o 10% traballa exclusivamente con Software Libre.

Segundo a consultora, a mostra de estudo foi maior ao 5% do total da industria do Software Libre, facendo que os resultados da enquisa poidan ser extrapolables ao total da industria. Ademais suxire que «os traballadores especializados en Software Libre parecen ter mellores habilidades e optan a conseguir mellores traballos».

Podes ler a nova completa na súa fonte orixinal:
http://www.itnews.com.au

As prazas son limitadas e para inscribirse podes usar o seguinte número de teléfono, 981 86 66 63 / 63 81 ou o enderezo de correo electrónico.

Máis información no cartel do taller:
http://portelo.rianxo.com/img/cEventos/31_tallerlinux0208.png

Un centro de investigación en xerontoloxía da república de Eslovenia está usando Software Libre para a recolección e verificación de información, manter aos seus investigadores e persoal informados constantemente e para a súa web.

O centro usa unha versión personalizada de software MediaWiki. O proxecto ten como obxectivo mellorar o servizo que ofrecen mellorando o acceso á información.

Este foi un dos primeiros proxectos levados a cabo polo centro de Software Libre de Eslovenia (COKS) creado en setembro do pasado ano…

O centro foi creado polo ministro de educación, ciencia e tecnoloxía e prové un punto central de información e contacto para software e servizos en Software Libre. Segundo o seu coordinador, reciben moitas consultas de departamentos técnicos da administración pública para que os axuden a migrar a Software Libre ou a elixir entre unha ou outra aplicación en Software Libre.

Actualmente o centro dirixe un estudo sobre o uso de Software Libre na administración pública en Eslovenia. Espérase que os resultados estean dispoñibles durante este mes de febreiro. Outro estudo sobre o uso do Software Libre no ámbito privado estará dispoñible no mes de marzo.

Fonte:
http://ec.europa.eu

Fonte: Gartner 

           Theinquirer.es
 

As ferramentas son:

» Power MatchMaker Data Cleansing Tool

As ferramentas de Data Cleansing, permítenos limpar, validar e corrixir datos das nosas fontes de orixe durante o proceso de incorporación e creación a un DW. Tradicionalmente estes procesos eran manuais e difíciles de replicar e manexar. Con interfaces gráficos isto simplifícase. Tamén é útil para corrixir direccións erróneas, eliminar duplicados, copias de datos antes das correccións, etc…

» Power Architect Data Modeling Tool

Con esta ferramenta facilítase moito o traballo aos arquitectos de Data Warehouse, permítenos modelizar todos os nosos esquemas, facer enxeñería inversa, xerar automaticamente metadatos dos ETL, etc… Unha funcionalidade interesante é a de crear instantáneas (snapshots) das estruturas da Base de Datos, o que permite ir facendo o deseño e o modelado do DataWarehouse estando fora de liña.

Fonte: Todo BI

Telefónica que o pasado mes de xullo inaugurou o Open Movil Forum, onde xa hai rexistrados uns 300 desenvolvedores, comezou a liberar progresivamente as API das súas aplicacións.

Por exemplo temos dispoñibles as API de alertas de SMS, a «Copiagenda » ou outras dedicadas ao almacenamento de mensaxes. Estas aplicacións que eran hasta o de agora exclusivas para clientes de Telefónica, pasan a ser distribuídas con licenza Apache 2.0.

Ademais, xa hai máis de 20 proxectos desenvolvidos con estas API, como un sistema de axuda aos celíacos para saber si poden comer un ou outro produto concreto ou «Mibolsa» para seguir a evolución dun valor ou Open Jukebox que permite elixir as cancións dunha discoteca, etc…

«Estamos vivindo unha explosión de API, as interfaces que nos permiten manexar os programas, e de desenvolvementos que misturan as aplicacións de terceiros encontrándolle outros usos. Neste ámbito son Google, Amazon, eBay ou Yahoo quen están dominando a nova ola de servizos ao abrir os seus desenvolvementos ao público» explicou Agustín Núñez, director de Innovación de Telefónica durante a feria MovilForum que se celebra estes días en Madrid.

Fonte orixinal:
http://www.elpais.com