Pandora FMS son un conxunto de programas libres con licenza GPL que permiten analizar de xeito visual o estado e a actuación de varios parámetros de diferentes sistemas operativos, servidores, aplicacións e sistemas de hardware coma firewalls, proxies, bases de datos, servidores webs ou routers. E todo integrado nunha arquitectura aberta e distribuída. Nesta nova versión inclúe o novo servidor Pandora FMS Recon Server.
Algunhas das características son:
- Recepción de traps SNMP con consola en tempo real.
- Sistema integrado de alertas: envío de correos, execución de scripts de usuario, envío de SMS, ou simplemente escribir nun syslog son algúns exemplos.
- Sistema integrado de informes gráficos para calquera tipo numérico de dato.
- Granularidade de acceso e perfilado de usuarios para cada grupo e usuario.
- Auditoría interna integrada para calquera operación.
- Filtrado e refinado de alertas para evitar falsos positivos.
- Sistema de eventos con revisión manual deseñada para traballar en equipos de operación.
- Sistema integrado de incidencias con fluxos e diferentes perfís para traballo en diferentes equipos.
- E moitas máis…
