Hardy Heron é o nome da próxima versión de Ubuntu, en concreto a 8.04 e que será a segunda versión con LTS (Long Time Support).
Desde AGNIX, anuncian que a través da plataforma Launchpad xa se pode axudar a traducir ao idioma galego esta versión de Ubuntu.
A ligazón para axudar en dita tradución é a seguinte: https://translations.edge.launchpad.net/ubuntu/hardy/+lang/gl…
Con respecto ás versións LTS de Ubuntu, é importante dicir que a primeira versión foi a 6.06 (Dapper Drake) e que leva máis de dous anos recibindo soporte ininterrompido. Este soporte durará até mediados do ano que ven para as versións de computadores de escritorio e até mediados do 2011 para as versións de servidores.
