A consultora sueca IT+46 anunciou a entrega dunha nova guía «VoIP para el desarrollo, una guía para crear infraestructura de voz en regiones en desarrollo «. O libro pretende fomentar o uso das comunicacións de baixo custo nas zonas máis pobres do planeta. A guía de Voz sobre IP é de difusión gratuíta e está dispoñible en catro idiomas, baixo unha licenza [[Creative Commons]]. Este traballo é un esforzo por diseminar o uso da telefonía a través da Internet en rexións en desenvolvemento.
A guía de 40 páxinas está destinada tanto a lectores con coñecementos técnicos como a aqueles que teñan curiosidade por entender os principios de funcionamento da voz IP. A primeira parte introduce os elementos fundamentais que fan posible unha comunicación de voz por Internet. A segunda parte esta dirixida a aqueles que queiran ter máis detalles incluídos algúns consellos prácticos e ficheiros básicos de configuración. Nesta sección inclúese unha descrición dos coñecementos necesarios para pór en marcha un sistema propio de telefonía de baixo custo.
A última parte da obra ilustra tres escenarios reais de como se pode usar a voz IP en comunidades rurais e como conectar un sistema de telefonía de baixo custo á rede de telefonía tradicional e á Internet.
Descarga a guía.
