OpenCms é un xestor de contidos web de código aberto. Para o seu funcionamento é necesario o uso de [[Java]], dun servidor [[Tomcat]] e un sistema xestor de bases de datos, como poden ser [[Mysql]], Oracle, Postgresql… Debido a estas características é totalmente multiplataforma.
Para a súa administración ten unha interface de usuario accesible dende un navegador web, e permite a configuración global do xestor, como pode ser engadir recursos, usuarios, permisos, micro-sites, galerías e incluso copias de seguridade. Tamén nos permite modificar os modelos cos que o usuario visualiza a información presente no xestor. Outra das vantaxes é da facilidade á hora de subir contidos, pois son creados a través dun editor [[WYSIWYG]].
