A partir do traballo feito na localización do OpenOffice.org, do Firefox, Thunderbird, Gnomr Pidgim… foise desenvolvendo un glosario de termos tecnolóxicos en inglés e a súa correspondente tradución ao galego segundo as Normas ortográficas e morfolóxicas do idioma galego publicadas pola Real Academia Galega en decembro de 2003 (décimo oitava edición).
Esta ferramenta complementa o Corpus de referencia do OpenOffice.org e servirá para facilitar o traballo de manter a coherencia nas traducións de novas aplicacións ou consultar dun xeito rápido as dúbidas que se poidan presentar na utilización de terminoloxía tecnolóxica no noso idioma.
Este glosario esta dispoñible no apartado de Ferramentas Lingüísticas do noso wiki para a súa consulta en liña así como para facilitar a inclusión de novos termos e a súa discusión. Ademais está tamén dispoñible na sección de Descargas , no apartado Ferramentas Lingüísticas.
