A comunidade de OpenOffice.org anuncia nunha nota de prensa oficial que IBM unirase á comunidade desenvolvedora desta suite ofimática. O xigante da computación fará contribucións de código que foron desenvolvidas como parte do seu produto Lotues Notes, incluíndo melloras de accesibilidade e enriquecendo a calidade do código. Ademais de traballar coa comunidade promoverá o uso de tecnoloxía OpenOffice.org nos seus produtos.
Responsables de IBM declararon que a contribución que fará a compañía á suite ofimática será valiosa e axudará a propulsar aínda máis o éxito do produto. Outras figuras importantes do FLOSS como Mark Shuttleworth, fundador de Ubuntu, consideran importante este paso.
