A Consellería de Innovación e industria promoverá a dinamización e a formación en tecnoloxías da información e da comunicación no rural a través da creación de centros dirixidos a esta fin. Nestes centros promoverase o emprego de aplicacións libres e en galego. Ademais implantaranse redes sen fíos de acceso público a internet en varios concellos do rural.
Os primeiros concellos que levarán a cabo esta iniciativa son Pol, Ribeira de Piquín, Riotorto e Mondoñedo a través dun convenio con Innovación. Empregaranse tecnoloxías Wifi, Wimax e VoIP para dar acceso ás TIC á poboación dos entidades de poboación rurais.
O importe achegado a cada un destes tres concellos supera os 83.200 euros e o investimento total será de 1.165.000 euros para o conxunto de Galicia, pois vanse asinar un total de 14 convenios con outros tantos concellos do rural galego.
