«Les Trophées du Libre» é un concurso que, desde 2003, intenta promover proxectos innovadores dentro do Software Libre, co obxectivo de dar a estes un certo recoñecemento e publicidade. Neste concurso, de carácter internacional, poden participar tanto desenvolvedores amateurs como profesionais, para obter premios que van até os 3000 €.
Con 113 participantes de 18 países, é, en palabras de Richard Stallman, a maior competición organizada para promover o espírito do Software Libre entre os usuarios. Os finalistas serán anunciados o día 1 de novembro. A lista de proxectos presentados contén programas bastante interesantes nas 6 categorías existentes.
