Mandriva vén de anunciar a liberación de Corporate Desktop 4.0, a nova versión da súa estación de traballo adicada á empresa. Dende Mandriva cualifican esta nova versión como deseñada ergonomicamente, segura, sinxela de usar e de administrar.
Corporate Desktop 4.0 está orientada ás demandas empresariais, directorio de administración e integración, mobilidade, seguridade e ergonomía…
-
O directorio de administración e integración compleméntase coa autenticación baseada en directorios. Corporate Desktop 4.0 inclúe unha nova ferramenta para establecer os dereitos de usuario dende un directorio LDAP.
-
No que se refire á mobilidade, esta nova versión de Mandriva Corporate simplifica a configuración de accesos remotos seguros (DrakVPN) e a configuración das tarxetas de datos 3G.
-
No tocante á seguridade inclúe soporte para encriptación de datos, conexións seguras e un firewall interactivo.
-
A ergonomía integra un deseño completamente novo do escritorio, integración das últimas tecnoloxías 3D (Xgl, AIGLX e Metisse).
Fonte:
http://www.mandriva.com
