Aplicacións coma Abinit ou Gromacs resultan de gran utilidade para os químicos e teñen a vantaxe ademais de ser Software Libre. Ofrecémosvos unha escolma das webs máis interesantes con aplicacións para esta actividade científica.
Linux4Chemistry é unha máis ca interesante web que recompila diferentes utilidades para químicos en código aberto. A páxina referencia aplicacións libres, shareware, freeware, comerciais e gratuítas para estudantes.
Scientific Aplicattions on Linux selecciona aplicacións científicas de todo tipo cunha sección moi ampla pensada para químicos. Tedes ademais a web italiana Linux and Chemistry e The Linux for Chemistry CD Project, unha escolma de software.
