Mancomun.org vai explicar a súa experiencia na tradución, distribución e difusión de OpenOffice.org nun relatorio a través de videoconferencia no BrOffice, encontro internacional que terá lugar en Brasil e que ten por obxectivo a dinamización da comunidade de desenvolvemento de OpenOffice.org, así como promover a integración con usuarios finais.
Mancomun.org ofrece a posibilidade a persoas involucradas na tradución do Software Libre, no OpenOffice.org ou na lusofonía de estar presente durante o relatorio de Mancomun.org que terá lugar o venres 26 de outubro de 14:40 a 15:20 no reitorado da Universidade de Santiago de Compostela situado na Praza do Obradoiro.
Debido a limitacións do aforo requírese que se confirme a asistencia enviando un correo ao enderezo mancomun@mancomun.org.
