A OpenOffice.org Conference 2007 comeza hoxe en Barcelona reunindo a membros da comunidade deste conxunto de aplicacións de oficina de todo o mundo. Trátase dun encontro anual que permite analizar os avances levados a cabo durante estes últimos doce meses e reforzar os lazos da comunidade. Mancomun.org estará presente cunha charla o venres sobre a súa experiencia na localización da versión galega. Está prevista a asistencia de máis de 1.000 persoas de todo o mundo nun evento que comeza hoxe, na súa parte pública, e rematará o venres 21. Os temas a tratar versarán sobre estándares, localización, melloras no proxecto…
