No web de Hispalinux pódese achar unha representación bastante completa do que significa GNU/Linux en cada comunidade autónoma española. Desta forma, ao acceder ao mapa, podemos ver unha sinxela animación en que se explica algún dato representativo de cada comunidade autónoma en relación ao Software Libre, como por exemplo nos casos seguintes:
- Estremadura: «A Junta de Extremadura, é a pioneira en España no uso intensivo do software libre. Linex, a súa distribución, é o exemplo mundial de uso de Linux nos sectores educativo e cidadán. Para máis información http://www.linex.org/».
- Andalucía: «A comunidade andaluza adéntrase no mundo do software libre mediante a distribución Guadalinex. A súa iniciativa no mundo educativo coa instalación de miles de ordenadores a executaren Linux ponse en marcha desde o 2003-2004».
- Galicia: para a nosa comunidade, o portal de Hispalinux está aínda a recompilar información, mais agardamos que en breve estea dispoñible a información.
Aínda hai pouca información dalgunhas comunidades, o que quere dicir que a representación non é o totalmente completa que debería ser. Aínda así, é unha boa forma de comprobar como se desenvolve o software libre en España.
Fonte:
Territorio Libre
