Esta semana celebrouse a MoodleMoot 2007 en Cáceres, un dos eventos a nivel estatal máis importantes sobre Moodle, coa presenza de Martin Dougiamas (o creador) entre os relatores e dun dos seus colaboradores, Martin Langhoff.
Moodle é un [[LMS]], é dicir, un Learning Management System (Sistema de Xestión do Ensino-Aprendizaxe), que está tendo moito éxito nestes últimos anos debido á súa comunidade de usuarios e desenvolvedores.
Na web de Moodle teñen estatísticas que mostran o seu crecemento, e en case todas as gráficas pódese ver a típica tendencia do crecemento exponencial.
Moodle é Software Libre e iso é o que permitiu que fose traducido a máis de 70 idiomas e que fose desenvolvido por entidades diferentes (empresas, universidades, organismos gobernamentais, particulares, etc.)
