VirtualDub acaba de lanzar a súa versión 1.7.3 dentro da versión experimental. A versión estable segue sendo a 1.6.19 dispoñible en versións tanto para 32 bits como para 64 bits que necesitan ter instalado a versión de 64 bits do sistema operativo Windows xa que, aínda que este software estea licenciado baixo a GPL, polo de agora só está dispoñible para Windows. Todas estas versións están dispoñibles na páxina de descargas de SourceForge.net.
VirtualDub está deseñado para a captura, procesamento e edición de vídeo, conseguindo resultados moi profesionais á hora de realizar efectos de postprodución nos nosos vídeos, sexa cal sexa o formato no que esteamos a traballar.
Dispón de centos de efectos especiais incluídos no programa, coma o blur, cambio de tamaño bicúbico, compensación de son, etc.. Ademais, a comunidade de usuarios desenvolveu todo tipo de complementos que nos permiten engadir novos efectos para mellorar e retocar os nosos vídeos…
Fonte da noticia:
Hispamp3.com
Páxina oficial do proxecto:
http://www.virtualdub.org
