LineageOS, sistema operativo libre e respectuoso da privacidade para dispositivos móbiles, chega coa versión 20 baseado en Android 13. Os sistemas operativos para móbiles baseados en fontes abertas permiten prolongar a vida útil dos teléfonos móbiles, sobre todo a aqueles que quedaron sen soporte para actualizacións por parte dos seus fabricantes.
Novidades: todos os parches de seguridade lanzados este ano para as versións anteriores incorporáronse ao código, nova aplicación de cámara con prestacións máis parecida á da aplicación oficial.
Chromium 108.0.5359, compatible co kernel Linux 5.10. Melloras e correccións de erros na aplicación de galería, nas actualizacións, no navegador e na aplicación de calendario.
A ferramenta de selección de luminosidade adáptase mellor ao tema do dispositivo. O asistente de configuración é máis parecido ao de Android 13 e ten transicións máis fluídas e unha mellor experiencia de uso, entre outras.
