Mesa 22.3, nova versión da pila encargada de fornecer os drivers do espazo de usuario (OpenGL, Vulkan e OpenCL) en GNU/Linux, FreeBSD e outros sistemas tipo Unix. Chega con melloras introducidas para AMD Radeon, para as gráficas Adreno de Qualcomm (ARM) e para WSL de Microsoft.
Novidades: melloras do soporte para as gráficas de última xeración da marca RX 7000 que empregan RDNA 3 como arquitectura. Habilitado o multiproceso de OpenGL por defecto.
Adición da extensión de Vulkan para soportar mesh shaders nas gráficas dedicadas Intel Arc. Os aceleradores gráficos Adreno presentes nos SoC Qualcomm recibiron melloras destacadas.
Rusticl, un novo controlador de OpenCL 3 creado con Rust. Zink, driver de OpenGL sobre Vulkan, foi mellorado, entre outras.
