PINE64 está desenvolvendo unha tablet de tinta electrónica (ou libro de tinta electrónica) que contará cun sistema operativo GNU/Linux.
A pantalla do PineNote terá unha diagonal de 10,1 polgadas e unha resolución nativa de 1.872×1.404 píxeles, 16 niveis de grises e unha frecuencia de 60 Hz. Contará tamén cunha luz frontal, con luz branca de día e luz ámbar de noite. Terá un panel táctil capacitivo que permitirá usar un lapis óptico (compatible coa tecnoloxía EMR) ou os dedos como en calquera tablet.
Compoñentes: SoC ARM Cortex-A55 de catro núcleos Rockchip RK3566, 4 GB de memoria RAM LPDDR4 e 128 GB de almacenamento eMMC. Chasis de magnesio, cuberta traseira de plástico e cuberta de vidro endurecido sobre a pantalla.
A primeira versión do PineNote enviarase a finais deste ano e o prezo será de 399 dólares.
