Novell vén de publicar hoxe o conversor de Open XML para a suite de OpenOffice.org.
Open XML é o formato de ficheiro que emprega Microsoft na súa suite ofimática Office 2007. Este formato ata o momento non podía abrirse dende a suite ofimática Openoffice e grazas a este conversor que acaba de rematar Novell, xa é posible que os usuarios abran e garden documentos nativos de Word 2007 dende OpenOffice.
O conversor funciona tanto na versión de Linux coma na de Windows e pode descargarse dende a web de Novell .
Fonte: ComputerWorld
