O coordinador de OpenOffice.org en Brasil falará hoxe en dous institutos de Nigrán

O coordinador xeral do proxecto OpenOffice en Brasil e presidente de BrOffice.org, Claudio F. Filho, ofrecerá hoxe dous relatorios nos institutos  Val Miñor e Proval, no concello de Nigrán. Filho concienciará a alumnos e docentes da importancia do Software Libre e do emprego de estándares abertos. Ademais achegará a experiencia da comunidade brasileira e traballará coa comunidade galega para establecer unha canle de comunicación estable entre ambos países. Agnix e GALPon son os grupos de usuarios promotores do evento. Onte Claudio Filho estivo en Vigo en varios institutos.