Mark Shuttleworth, o fundador de Ubuntu, ofrecerá unha conferencia sobre os orixes da distribución durante o certame de lecer e coñecemento dixital da Campus Party.
Segundo fontes da organización da Campus Party, que terá lugar do 13 ao 29 de xullo en Valencia, o sudafricano Mark Shuttleworth entrou en contacto en 1994 con varios grupos de desenvolvemento de código aberto para crear un GNU/Linux para ordenadores de escritorio e desde entón o proxecto non deixou de medrar.
Das colaboracións entre eles naceu Canonical, unha empresa que se encarga de sustentar economicamente o proxecto mediante a comercialización de servizos e de soporte técnico a outras empresas…
Na Campus Party tamén estará presente Marcelo Tossatti, antigo mantedor da rama 2.4 do núcleo de Linux e que actualmente está a cargo do desenvolvemento do software do portátil dos 100 dólares; por último, a Campus Party tamén contará coa presenza de Marcelo Branco, un dos maiores impulsores do software libre no Brasil, quen suscitará un amplo debate sobre os verdadeiros efectos da revolución dixital.
Entre as ofertas que, ao mesmo tempo, ofrece este evento, haberá obradoiros de seguranza, criptografía e de outras áreas diversas
Ligazón: El Pais
