O galego é a primeira lingua do estado en contar cunha tradución oficial da EUPL(European Union Public Licence), licenza da UE para desenvolvementos de Software Libre. Ademais é o primeiro idioma non oficial da Unión en dispoñer dunha tradución xurada deste documento.
Actualmente, ademais de ao galego, a EUPL está traducida ao inglés, francés e alemán . Podes descargar a EUPL na nosa sección de descargas e, en breve, estará referenciada desde a web do IDABC, entidade promotora da licenza.
Dentro da súa liña de garantir a accesibilidade de todos os cidadáns europeos á administración electrónica o IDABC promove o emprego de Software Libre e dos estándares abertos.
