O Ministerio de Desenvolvemento Agrario (MDA) do Brasil acaba de licenciar baixo [[GPL]] o código de tres aplicacións informáticas.Os programas liberados son: O control de accesos e configuración de sistemas, CONTRA (Sistema de Control de Accesos); o control de atencións a servizos prestados polos sectores de informática e Recursos Humanos, o SISAU (Sistema de Atención ao Usuario); un sistema de xestión de contidos Web, o SACI LIBRE (Sistema de Administración de Contido Institucional).
Isto é só o comezo pois teñen máis aplicacións en proceso de liberación: Patrimonio, Licitación e Contratos, etc. Os sistemas foron desenvolvidos pola Coordinación-Xeral de Modernización e Informática (CGMI) co obxectivo de alcanzar maior eficiencia nas súas actividades administrativas e reducir gastos con licenzas e adquisición de tecnoloxía.
Máis información sobre os programas, soporte e descargas na Web do MDA: http://softwarelivre.mda.gov.br/tele/
