Unha enquisa do INE (Instituto Nacional de Estadística) sobre o emprego do computador por comunidades autónomas e uso ou coñecemento do sistema operativo Linux sitúa a Galicia como a cuarta comunidade con maior emprego deste sistema operativo. Ademais é a terceira comunidade con maior coñecemento da existencia de Linux.
Se sumamos os resultados das preguntas referidas a se a persoa enquisada emprega ou empregou no pasado algún sistema operativo Linux dá un 10,4%. Superan a Galicia Extremadura (23%), Andalucía (15,1%) e Madrid (10,8%).
Respecto ao coñecemento da existencia de Linux a porcentaxe de persoas enquisadas que afirmaron coñecer o sistema operativo Linux en Galicia é de 52,8%. Os tres primeiros nesta clasificación son Extremadura (55%), Cataluña (53,4%) e Madrid (51,9%).
