O Ministerio de Educación do país galo está a cambiar os sistemas operativos de Unix (AIX) a GNU/Linux. A semana pasada, a compañía Red Hat fixo público que o ministerio migrara 2 500 servidores á súa distribución de GNU/Linux.
Segundo as declaracións de Red Hat, o ministerio desexa previr «os crecentes custos asociados ás licenzas privativas e os forzados ciclos de actualización» e cambiar a estándares abertos resolverá esta situación, segundo a compañía.
O ministerio está a facer a migración tras abandonar outras opcións como GECOS 7 e DPS 7, dous sistemas operativos preparados para mainframes desenvolvidos a comezos dos 60 e empregados normalmente para aplicacións «legacy» escritas en Algol, Cobol ou Fortran. Coa migración e debido a que están a prescindir de AIX, un Unix que é propiedade de IBM, o custo do propio hardware tamén se está a reducir.
