O pasado martes 10 de xullo, o parlamento chileno aprobou, por unha ampla maioría dos seus deputados e deputadas, a posta en práctica do Software Libre na súa administración pública; amplíase, deste xeito, a listaxe de países que optan por este tipo de aplicacións tamén no novo continente.
Un dos parlamentarios declarou que ao considerar que o investimento en desenvolvemento científico no seu país é ínfimo, o uso do sistema Linux forneceralle poderosas ferramentas computacionais, practicamente a un custo cero, cunha grande vida útil, con maior seguranza, estabilidade e flexibilidade…
«Á diferenza do sistema operativo preinstalado nos computadores», proseguiu este parlamentario, «o software libre ofrécenos un mundo de solucións, un feito que se traduciu en que algunhas das máis importantes empresas de hardware están en vías de porén no mercado equipos con Linux e que implica unha grande diminución no prezo final.»
Ligazón: Somoslibres.org
