O proxecto KDE anunciou hoxe a inmediata dispoñibilidade de KDE 3.5.7, unha versión de mantemento para a última xeración do escritorio libre para GNU/Linux e outros UNIX. KDE agora incorpora traducións a 65 idiomas (entre eles, o galego, que está traducido nun 85%), facéndoo dispoñible a máis xente que a maioría do software privativo.
Esta versión céntrase nas aplicacións de KDE PIM. KAddressBook, KOrganizer e KAlarm que recibiron correccións de fallos, ademais de KMail, que incorpora novas funcionalidades e melloras tanto na interface como no manexo de IMAP: pode xestionar cotas de IMAP e copiar e mover todas os cartafoles…
Outras aplicacións melloradas:
- KPDF mostra mensaxes emerxentes ao posicionarse sobre unha ligazón, mostra correctamente ficheiros PDF máis complexos como este anuncio de Firefox e reacciona ante as ordes de abrir o panel Contido.
- Umbrello agora pode xerar e exportar código C# e engadiu a compatibilidade cos generics de Java 5.
- KDevelop recibiu unha actualización importante á versión 3.4.1. As novas características inclúen un completado de código e navegación mellorados, unha interface de depuración máis fiable, compatibilidade con Qt4 e mellor compatibilidade con desenvolvemento de KDE4 e Ruby.
Podes ver máis información sobre esta nova na súa fonte orixinal en:
http://kde.org/announcements/announce-3.5.7-es.php
