O Consorcio da World Wide Web publicou oito novos estándares da familia XML para a extracción de datos, a transformación de documentos e a computación empresarial dende servizos Web a bases de datos. Máis de 1.000 comentarios de desenvolvedores axudaron a garantir a flexibilidade e aplicabilidade desta serie de tecnoloxías. XSLT transforma o etiquetado e o formato de documentos. XML Query pode realizar procuras, consultas e conexións entre coleccións de documentos. As expresións XPath, o XSLT 2 e o XQuery funcionan con documentos XML, bases de datos XML, bases de datos relacionais, motores de procura e de obxectos.
- XQuery 1.0, Linguaxe de Consulta XML (XML Query): Sintaxes XML para realizar consultas de coleccións de datos estruturados e semi estruturados tanto localmente como na Web.
- Transformacións XSL (XSLT) Versión 2.0: Transforma instancias de modelo de datos (XML e non XML) en outro tipo de documentos, incluíndo XSL-FO para impresión.
- Linguaxe de Rutas XML (XPath) 2.0: Expresións sintácticas para facer referencia a partes de documentos XML.
- Funcións e Operadores XQuery 1.0 e XPath 2.0: Funcións que poden ser chamadas con expresións XPath e operacións que poden realizarse sobre tipos de datos XPath 2.0.
- Modelo de Datos XQuery 1.0 e XPath 2.0 (XDM): Representación e acceso tanto para fontes XML como para fontes que non sexan XML.
- Serialización XSLT 2.0 e XQuery 1.0: Como amosar os resultados da avaliación de XSLT 2.0 e XML Query en XML, HTML ou como texto.
- Sintaxes XML para XQuery 1.0 (XQueryX): Sintaxes XML para realizar consultas de coleccións de datos estruturados e semi estruturados tanto localmente como na Web.
- Semánticas formais de XQuery 1.0 e XPath 2.0: Sistema empregado en XQuery e XSLT 2 a través de XPath, definido de forma precisa para desenvolvedores.
Fonte: w3c
