Openads, coñecido hai un tempo como phpAdsNew, é un servidor avanzado de anuncios que permite colocar os banners dentro do teu sitio web e conta cunha interface amigable para a súa xestión e seguimento. Openads pode traballar con Google Adsense, Valueclick, Tribal Fusion e outros programas de publicidade. Ademais, é posible activar ou desactivar as campañas publicitarias premendo dun xeito automático.
Dende a páxina do proxecto pódese consultar a documentación tanto para o proceso de instalación ou como guía para o traballo co software (creación de publicistas, zoas, campañas publicitarias, …).
Está dispoñible unha demo para probar todas as funcionalidades sen que sexa preciso descargar e instalar o software. Openads é código aberto, o que significa que é posible ter acceso ao código fonte, baixo GNU/GPL.
