Estes días ten lugar en Praga a reunión de desenvolvedores Hack Week organizada por Novell e openSUSE. A ela acoden algúns dos desenvolvedores Linux máis expertos do mundo.
A «semana hack» supón un excelente punto de encontro para todos aqueles desenvolvedores que están tratando de implantar todo tipo de solucións que axuden a mellorar o sistema operativo Linux. Están presentes diferentes persoas relacionadas con Linux e tamén con Novell e máis o desenvolvemento de openSUSE, SLED e SLES…
O sitio web, especialmente posto en marcha para este evento, recolle unha serie de vídeos coas explicacións de en que traballa cada desenvolvedor, así como unha listaxe de ideas que os desenvolvedores teñen en mente para engadir funcionalidades ao sistema operativo e en concreto ás distribucións que desenvolve ou nas que colabora Novell.
Fonte:
theINQUIRER
