Trisguel 1.0 distribución GNU/LIinux totalmente en galego, ve a luz tras máis de dous anos e medio de desenvolvemento e numerosas versións previas. A partir deste momento establécese un prazo fixo de publicación de versións de 6 meses, ditas versións terán soporte (reparación de erros e publicación de revisións periódicas) durante un ano.
Estas son algunhas das novidades dende as versións de proba:
- Repositorio propio baseado en Debian 4.0 Etch, con actualizacións de seguridade.
- Novo instalador e melloras no entorno lixeiro. Os requisitos mínimos baixan a tan só 200mhz, 64 MB de RAM e 3 GB de disco duro.
- Soporte de tecnoloxías de asistencia para discapacitados visuais.
- Novo sistema live, pode executarse dende un pendrive.
- O sistema live pode lanzarse dende o escritorio de Windows, sen configurar a BIOS.
Software incluído:
- Gnome 2.14. Entorno lixeiro IceWM+Rox.
- OpenOffice.org 2 con correctores ortográficos de galego e castelán.
- Navegador IceWeasel (Baseado en Firefox 2).
- Entorno completo en Galego, Castelán e Inglés.
- Linux 2.6.18.6 con máis de 1.000 drivers.
- Emulador de windows Wine, e simulador de pc virtual Qemu/Kvm.
- Contorna de usuario 3D Compiz.
- Máis de 1000 paquetes preinstalados que inclúen aplicacións de oficina, multimedia, deseño, rede, xogos… E máis de 15.000 paquetes dispoñibles para instalar.
