Saíu a versión de Google Desktop para Linux

Google presentou o mércores a versión para Linux do seu Google Desktop. Esta versión foi escrita en linguaxe nativa e, ao mesmo tempo, emprega os propios algoritmos de busca de Google.

Google Desktop é unha aplicación de busca no escritorio que permite atopar texto en mensaxes de correo electrónico, en ficheiros, en música, en fotografías, charlas, no Gmail, en páxinas web visitadas etc. Ao habilitar o noso equipo para a busca, o programa permite acceder facilmente á información e evita ter que organizar manualmente os ficheiros, as mensaxes e os marcadores.