Simulador de carreiras Ultimate Stunts

UltimateStunts é un “remake” do xogo de DOS «stunts». Este xogo, foi lanzado ao comezo da década dos 90. É un xogo de carreiras en 3 D, con gráficos simples CGA/EGA/VGA, sen texturas nin degradados suaves, pero o seu éxito é debido as súas espectaculares características (rizos, pontes sobre as que saltar, etc).

Unha das mellores opcións deste xogo é que tiña un editor de pistas. Xa que ás pistas estaban baseadas en pezas, cada xogador podía elaborar os seus propios circuítos.

 

Execútase en sistemas compatibles con UNIX (como GNU/Linux) e en Windows, e está dispoñible en varios idiomas. Nun futuro terá características máis modernas, como gráficos openGL, son en 3D e capacidade de multixogador a través de Internet.