Traducíndote é un proxecto que permite a tradución de documentos aos diferentes idiomas do estado ademais de ao inglés e ao portugués baseándose na tecnoloxía Apertium. Na súa primeira versión funcionaba baixo o formato aberto .odt aínda que, mediante unha conversión a través de OpenOffice.org, tamén podía ser empregado co formato .doc. Agora ademais é compatible tamén con documentos de LaTex, MySql, Abiword e novos formatos de OpenOffice.org. A aplicación pode modificar o idioma do documento mantendo o seu formato (táboas e imaxes incluídas) e conta con licenza GPL. Traducíndote foi desenvolvido polo estudante do Ciclo Formativo de Desenvolvemento de Aplicacións Informáticas do centro IES Chan do Monte Óscar Hermida López.
