O servizo de dinamización tecnolóxica do Concello de Monforte
organiza unhas xornadas de software libre que se desenvolverán o venres
e o sábado no centro comarcal Expolemos. A primeira xornada abrirase
cun acto de presentación ás 17:45 a que seguirá a conferencia
«Aproximación ao software libre», por Roberto Brenlla. A continuación,
Antonio Martínez e Marta Prado falarán sobre «As posibilidades do
software libre».
As conferencias do sábado darán comezo ás dez da mañá coa charla de
Roberto Brenlla «Directrices migratorias». A segunda correrá a cargo de
Antonio Martínez e Marta Prado novamente e titúlase «O que fago en
Windows fágoo en GNU/Linux». A última conferencia da mañá, de
Martín Gómez, versará sobre «O camiño cara aos novos modelos de negocio
con software libre».
Pola tarde, a partir das cinco, Rubén Rodríguez, Juan Ángel Ferreiro
e Carlos Álvarez falarán respectivamente sobre o proxecto Trisquel e os
usos do software libre en empresas e oficinas. Ás 19:45 haberá unha
demostración do robot Dipbot, creado no instituto A Pinguela.
Fonte: La
Voz de Galicia
