Continuamos coa publicación dunha serie de entrevistas e infografías que fixemos a varias persoas da comunidade de software libre, para coñecer as ferramentas que empregan no seu día a día nas súas tarefas habituais, o impacto que tivo o software libre na súa vida, consellos para empezar neste mundo e a súa relación con proxectos libres.

Infografía de Entrevistas a persoas da comunidade de software libre: Víctor Tilve
Matemático, profesor de FP presencial e Universidade a distancia

A segunda das entrevista fixémola a Víctor Tilve, matemático, científico no seu tempo libre, especialista en contaminación luminosa, divulgador científico e profesor de FP presencial e da Universidade a distancia:

Cales son as tres ferramentas de software libre que máis utilizas no teu día a día e para que as usas?

– Hoxe en día uso moito LibreOffice e contornos de desenvolvemento como Netbeans porque é a base do meu traballo actual. Pero son usuario tamén doutras ferramentas como o editor de textos LaTeX ou Gimp.

Que funcionalidades valoras máis ao elixir unha ferramenta de software libre?

– O que máis valoro do software libre é a facilidade para atopar información e resolver problemas.

Cres que o software libre tivo un impacto positivo na túa vida profesional ou persoal?

– O impacto do software libre foi positivo na miña vida sempre. Non só por temas económicos, que tamén, senón porque fai posible a reutilización de hardware que o software comercial considera obsoleto, simplifica moito as condicións de acceso e uso e permite unha maior personalización e adaptación do software.

Silueta de persoas falando

Utilizas algún sistema operativo libre no teu día a día? Cal usas e por que?

– Hoxe en día uso Linux Mint porque é un SO completo e moi lixeiro. Ten un aspecto moi profesional, é moi básico e permite facer o mesmo que outros sistemas como Ubuntu ou Windows con moitos menos recursos e de xeito moito máis sinxelo.

Que desafíos enfrontaches ao adoptar ou utilizar software libre, e como os superaches?

– De entrada o software libre é máis complexo de instalar e botar a andar, mais a gran comunidade de usuarios que comparten información fai que isto non sexa xa un obstáculo para usalo.

Que consello lle darías a alguén que está interesado en comezar a utilizar software libre pero non sabe por onde empezar?

– Para comezar a usar software libre só tes que atopar o software axeitado para o que precisas e non ter medo a preguntar nin a seguir os pasos que atopes en foros e manuais aínda que non entendas de todo o que fas.

Podedes ver o resto das entrevistas nesta ligazón.

Xoves, 21 Marzo 2024

Entrevistas a persoas da comunidade de software libre

PDF

Empezamos coa publicación dunha serie de entrevistas e infografías que fixemos a varias persoas da comunidade de software libre, para coñecer as ferramentas que empregan no seu día a día nas súas tarefas habituais, o impacto que tivo o software libre na súa vida, consellos para empezar neste mundo e a súa relación con proxectos libres.

Siluetas de varias persoas falando

Elena Salgado

A primeira das entrevista fixémola a Elena Salgado, que traballa como Informática administrando o CRM dunha gran empresa:

Infografía de Elena Salgado
Informática, admnistradora do CRM dunha gran empresa
Conselllos para empezar co software libre

Víctor Tilve

A segunda das entrevista fixémola a Víctor Tilve, matemático, científico no seu tempo libre, especialista en contaminación luminosa, divulgador científico e profesor de FP presencial e da Universidade a distancia:

Infografía sobre Víctor Tilve, matemático, científico no seu tempo libre, especialista en contaminación luminosa, divulgador científico e profesor de FP presencial e da Universidade a distancia:
O que máis valoro do software libre é a facilidade para atopar información e resolver problemas.

Empezamos coa publicación dunha serie de entrevistas e infografías que fixemos a varias persoas da comunidade de software libre, para coñecer as ferramentas que empregan no seu día a día nas súas tarefas habituais, o impacto que tivo o software libre na súa vida, consellos para empezar neste mundo e a súa relación con proxectos libres.

Infografía de Elena Salgado
Informática, administradora do CRM dunha gran empresa
Consellos para comezar co software libre

A primeira das entrevista fixémola a Elena Salgado, que traballa como Informática administrando o CRM dunha gran empresa:

Cales son as tres ferramentas de software libre que máis utilizas no teu día a día e para que as usas?

LibreOffice Calc para traballar con arquivos CSV, Darktable para revelar as fotografías que fago no meu tempo libre, e Inkscape para deseñar portadas de eventos relacionados co software libre nos que participo.

Que funcionalidades valoras máis ao elixir unha ferramenta de software libre?

O fácil que adoita ser atopar manuais para aprender a utilizar as ferramentas.

Coñeces algún recurso (web, blog, podcast…) que che fora especialmente útil para aprender máis sobre software libre ou descubrir novas ferramentas?

Mancomún podcast.

Cres que o software libre tivo un impacto positivo na túa vida profesional ou persoal?

Si, na miña vida persoal coñecín a moita xente relacionada co software libre que desenvolve proxectos moi interesantes e útiles para a sociedade.

Algún proxecto de software libre no que esteas especialmente interesado/a e do que che gustaría compartir información?

abeancos.gal, un catálogo dixital aberto de elementos patrimoniais presentes na área da Comarca Terra de Melide. Todos eles, documentados, clasificados e xeolocalizados con mapas libres. Feito pola Asociacion de usuarios de software libre de Melide en colaboración cos arqueologos do Museo da Terra de Melide.

Siluetas de persoas falando

Utilizas algún sistema operativo libre no teu día a día? Cal usas e por que?

Ubuntu, é sinxelo de instalar e usar, fai que o equipo arrinque e funcione moito máis rápido, o que aumenta moito a vida útil dos meus PCs.

Que desafíos enfrontaches ao adoptar ou utilizar software libre, e como os superaches?

Estaba afeita a usar software privativo coma Office ou Photoshop. Ao principio custoume un pouco afacerme aos menús pero o feito de poder obter facilmente al últimas versións animoume a continuar utilizándoas.

Que importancia das á privacidade e seguridade ao elixir ferramentas de software libre?

Que o código do software que utilizo sexa aberto é para min unha garantía.

Contribuíches algunha vez ao desenvolvemento ou mellora dunha ferramenta ou proxecto de software libre, como foi a túa experiencia?

Participei nalgún mapatón organizado por ONGs, mapeando con openstreetmap zonas do terceiro mundo para que en caso dalgunha crise humanitaria, os equipos de emerxencia poidan chegar mellor. No meu día a día tamén adoito mapear elementos patrimoniais e camiños rurais que recorro en bicicleta.

Que consello lle darías a alguén que está interesado en comezar a utilizar software libre pero non sabe por onde empezar?

A adaptación ao novo sempre é dificil, pero co software libre sempre vas atopar documentación para aprender e unha gran comunidade para resolver as túas dúbidas.

Xunta

Xunta de Galicia, Información mantida e publicada na internet pola Xunta de Galicia

Atención á cidadanía - Accesibilidade - Aviso legal - Mapa do portal