Mes: mayo 2007

Agora pódese crear Linux á medida do usuario, un Linux totalmente á carta. Isto é posíble grazas ao sitio de Nimblex. A través deste sitio web pódese armar o sistema operativo de forma totalmente personalizada. Todo de forma gratuíta, por suposto.

A idea do sitio Nimblex é ofrecer a posibilidade de construírse unha distribución Live de Linux Slackware por defecto ou unha personalizada soamente cos aplicativos que precisemos ata 200MB. Pódese dende agregar as aplicacións que se queira até personalizar o fondo de escritorio cunha imaxe propia. Logo faise a descarga do ficheiro personalizado e grávase nun CD…

Fonte: Nimblex

En Palencia: http://www.hispalinux.es/node/633

En Málaga: http://www.hispalinux.es/node/632

…

En Valdemoro: http://www.hispalinux.es/node/631

En Torrevieja: http://www.hispalinux.es/node/630

De declaracións como as anteriores podemos salientar que cada vez máis grupos políticos están a recoñecer o software libre como unha alternativa de futuro pola que hai que apostar.

Ligazóns de interese
http://www.hispalinux.es/

Mancomun.org participa en dúas charlas orientadas á promoción e difusión do Software Libre en Frades e Vilagarcía de Arousa que se celebrarán mañá venres 1 de xuño. A primeira forma parte das actividades da Rede de Dinamización da Dirección Xeral de Promoción Industrial e Sociedade da Información e tentará achegar aos veciños deste municipio coruñés o proxecto de Mancomun.org.   

A segunda charla terá lugar no contexto da Arousa Party 2007. Mancomun.org falará do Software Libre e do seu labor aos asistentes a esta popular party. Nesta ocasión intervirá tamén o presidente do Grupo de Amigos de Linux de Pontevedra (GALPOn), Carlos Rodríguez, para falar sobre a comunidade galega do Software Libre.  

A charla de Frades terá lugar ás 5 de tarde na Casa do Concello.  A de Vilagarcía de Arousa terá lugar no Auditorio de Vilagarcía de Arousa ás 16:30.

O ministro Jordi Sevilla presenta o novo portal de trámites en liña'
cunha entrevista cos cidadáns a través de Internet.

O ministro de Administracións Públicas, Jordi Sevilla, inaugurou hoxe a
nova versión do portal 060.es participando nunha entrevista dixital cos
cidadáns en que comentou que impulsaría a administración electrónica «até o
infinito e máis alá». O portal, cun total de 6.800 páxinas, permite
acceder a máis de 300 servizos electrónicos da Administración Xeral do
Estado e significará reforzar os dereitos da cidadanía.

O web en cuestión aposta pola accesibilidade, aínda que os webs das
administracións publicas cada vez cumpren máis o estándar WAI (Web
Accessibility Initiative).

Tamén lle pediron ao ministro que explicase o camiño que seguirá a
administración electrónica nos próximos anos. Sevilla dixo que a Lei de
administracións electrónicas "recoñecerá o dereito da cidadanía a
acceder por medios telemáticos e que está a punto de ser aprobada no
Senado".


Ligazón á noticia:
http://www.elpais.com/articulo/internet/administracion/electronica/infinito/alla/elpeputec/20070529elpepunet_5/Tes

(O Parlamento Europeo) recorda a definición de estándar aberto adoptada pola Comisión Europea segundo a cal:

1. O estándar está adoptado e mantido por unha organización sen ánimo de lucro, e o seu mantemento lévase a cabo baixo a base dun proceso de decisión aberto a todas as partes interesadas;
2. O estándar foi publicado e o documento de especificación do mesmo atópase dispoñible gratuitamente ou a un custo nominal;
3. A propiedade intelectual -por exemplo, patentes posiblemente presentes- de (ou de parte de) o estándar atópase dispoñible de forma irrevocablemente libre de regalías.

Fonte.- Aínda non publicada polo Parlamento Europeo

Europa está a propor o desenvolvemento da infraestrutura necesaria para impulsar a próxima xeración de tecnoloxías grid. «Os Grid baséanse en conectar varios ordenadores para reunir usuarios de todo o mundo e de distintas empresas nunha única organización «virtual» (…)»

treemOS é un proxecto que a UE está a financiar mediante o seu «Sexto Programa Marco» (6PM). O seu obxectivo é deseñar e promover un sistema operativo de código aberto que sirva de apoio ás ditas organizacións virtuais.

Como sistema operativo podería empregarse para computadores persoais illados e para clústeres de ordenadores, así como tamén para aparellos móbiles; todos eles terían acceso aos recursos do Grid.

A partir de Linux, XtreemOS pretende converterse nun rival ao nivel de Globus (conxunto de ferramentas estadounidenses).

Segundo a coordinadora do proxecto, Sandrine L’Hermitte, «o sistema XtreemOS ofrecerá unha alternativa a Globus, que na actualidade é o sistema de middleware máis estendido para administrar redes informáticas a pesar da súa complexidade».

«Espérase que o proxecto XtreemOS reforce a posición de Europa nos campos de investigación dos sistemas operativos e dos sistemas de Grid. Hoxe en día, aínda que o sistema operativo Linux, o sistema Symbian para teléfonos móbiles e Internet se concibiron en Europa, EEUU está á cabeza en todos eles. Agardamos que o proxecto XtreemOS contribúa a equilibrar o panorama», concluíu.

Fonte:
http://www.laflecha.net

Un estudo recente de The Register comparou as 40 últimas vulnerabilidades e parches aparecidas en Windows Server 2003 e en Red Hat Enterprise Linux AS v.3.

Nesta comparativa tivéronse en conta tres aspectos:

En base a estes aspectos as conclusións foron que case o 40% das vulnerabilidades encontradas en Windows eran críticas mentres que en Linux tan só o 10% chegaban a ese nivel de perigo.

As modalidades nas que se poderá participar son as seguintes:

A- Ferramentas de autor
B- Materiais curriculares web
C- Galerías de imaxes e vídeos didácticos
D- Aplicacións de Software Libre ( usando como plataforma de desenvolvemento A Forxa de Mancomun.org).

Desenvolvido baixo licenza BSD, aínda está en beta, pero ten boa fama de estabilidade, e un bo conxunto de características, configuración sinxela e pouco consumo de recursos.

Entre as características HTTP temos o manexo de ficheiros estáticos, índices e autoíndices, reverse proxying acelerado sen caché e con balanceo de carga e tolerancia a fallos, FastCGI, arquitectura modular e soporte SSL.

En Apache-ES mediron o rendemento e no caso que se trataba, servizo de imaxes e contido estático, gaña Nginx debido a unhas modificacións que trae de base.