Mes: junio 2007

LG e Microsoft anunciaron un acordo conxunto de licenzas cruzadas de

patentes baixo o cal LG poderá empregar GNU/Linux embebido nos seus

dispositivos.

Microsoft pagaralle diñeiro a LGE e Microconnect polas patentes «que

estean relacionadas con sistemas operativos». E LGE pagaralle diñeiro a

Microsoft polas súas patentes «se se relacionan con dispositivos

baseados en Linux que LGE produza».

Segundo Microsoft, xa asinaron acordos similares con NEC, Nortel,

Samsung, Seiko e Fuji Xerox para «axudar a construír pontes» entre o

hardware, o software e as telecomunicacións.

Fonte: The

Inquirier

Sen embargo só en Massachusetts é oficial a adopción do estándar ODF ao igual que en diversas administracións públicas de Bélxica, Dinamarca e Francia. En Minessota estase a estudar o seu emprego e no resto de estados onde se produciron propostas similares foron rexeitadas polas asembleas estatais.

ODF é un estándar aberto soportado, entre outros, por empresas como IBM, SUN ou Google que o utilizan para as súas aplicacións de oficina.  

Fonte:
http://www.dosbit.com/

A Universidade de Estremadura ofrece un novo mestrado en software. O

período de preinscrición está aberto até o vindeiro 15 de xuño.

O programa docente ofrece dous itinerarios de 600 horas lectivas:

administración de sistemas abertos e desenvolvemento de software.

Existe, ao mesmo tempo, un curso máis curto de 220 horas de especialista en

ferramentas libres para a educación.

O mestrado impartirase principalmente na Escola Politécnica en Cáceres con

algúns cursos no Centro Universitario de Mérida.

Un dos atractivos principais deste mestrado é o seu baixo custo grazas ao

apoio financeiro que fai a Xunta de Estremadura: tan só 1.800� para

os itinerarios de desenvolvemento e administración e 700� para o curso

de especialista.

Fonte:

KMobileTools é unha aplicación para KDE que permite a sincronización de teléfonos móbiles co teu computador. Permite controlar completamente SMS, chamadas, axenda de teléfonos e monitorizar o estado do aparato. Está integrado no contorno de KDE, por iso pode interaccionar co Kontact, ou importar/exportar datos do KaddressBook. Probouse con terminais Motorola, Nokia, Siemens, Sony Ericsson e LG. Nun futuro está pensado dar soporte a comandos AT.

Democracy é un reprodutor multimedia que é capaz de reproducir case calquera formato dispoñible na rede, dende Quicktime, WMV, MPEG, [[Xvid]] e mesmo Flash, até seguir os programas de televisión dos videoblogs, vídeos de YouTube, Google Video, DailyMotion e outros servizos de vídeo.

A última versión é a beta 0.9.6, e é unha das últimas versión co nome Democracy, antes de que pase a chamarse definitivamente Miro Player.

As características máis destacadas deste software son:

Caixanova organiza un Máster de Software Libre en colaboración co GSyC/LibreSoft da Universidad Rey Juan Carlos e a empresa galega Igalia. O obxectivo é capacitar aos alumnos para traballar en empresas do sector TIC e liderar proxectos de liberación, desenvolvemento e publicación de Software Libre. O máster durará un curso académico e desenvolverase de luns a xoves na Coruña. O prazo ordinario de matrícula remata o día 6 de xullo e o extraordinario o 28 de xullo. 

Está dirixido a titulados en enxeñería informática, de telecomunicacións ou industrial e outras titulacións superiores que queiran complementar a súa formación co obxectivo de dirixir, analizar e participar en proxectos de Software Libre de ámbito internacional.

O temario do curso contempla aspectos tanto técnicos como empresariais do Software Libre. O prezo da matrícula é de 5.900 euros. 

As cámaras de comercio de Badajoz e Cáceres, firmaron un convenio de colaboración entre Fundecyt e o Centro Internacional de Referencia de Linux, para potenciar e promover o emprego do sistema operativo Linux nas empresas de Extremadura a través da realización das actividades recollidas neste convenio.

As cámaras de comercio identificarán ás empresas de novas tecnoloxías de ámbalas provincias para conseguir unha maior difusión e emprego das solucións de Software Libre nas empresas.

Segundo Fernando Herrera, presidente da Cámara de Comercio de Badajóz, o servizo será de balde para os usuarios e será posible a modificación do software para adaptalo ás necesidades dos empresarios…

Finalmente Fundacyt aportará ao CIRL e ás Cámaras a información necesaria sobre gnuLinex e outras aplicacións de desenvolvemento propio que se poden derivar dos proxectos que se están a desenvolver actualmente.

Fonte:
http://www.extremaduraaldia.com/

As bibliotecas públicas estremeñas estarán conectadas entre si cunha aplicación de xestión libre, na que se está a traballar na actualidade e que se prevé que estea en funcionamento o vindeiro ano.

Isto permitirá aforrar miles de euros anuais á Junta de Extremadura, segundo o anuncio feito hoxe en rolda de prensa polo director xeral de Promoción Cultural da Consejería de Cultura, o director de xestión da Asociación de Universidades Populares de Extremadura (Aupex) e a directora do Plan de Alfabetización Tecnológica.

Segundo o director xeral de Promoción Cultural da Consejería de Cultura apostouse desde un principio pola sociedade da información para a modernización da rede de bibliotecas de Extremadura. O obxectivo era que todas as bibliotecas de Extremadura estiveran unidas en rede, cun software de xestión único e cun carné bibliotecario único.

Grazas a un convenio firmado entre a Junta e Red.es para mercar material informático informatizaron 428 bibliotecas das 446 instalacións da rede. O problema é que o software de xestión para esta rede de bibliotecas tan ampla resultaba moi caro e obrigaba á Junta de Extremadura a facer inversións duns 420.000 euros anuais para manter as bibliotecas conectadas o que facía inviable o proxecto e o que xustificaba a aposta polo desenvolvemento dun software específico no que se está a traballar e que terá licenza libre.

Explicou que esta ferramenta de xestión é «complexa», polo que «é un proceso lento, no que hai moita xente comprometida, e que volverá a colocar a Extremadura na vangarda da investigación de novas tecnoloxías baseadas en Software Libre». Unha das vantaxes deste software de xestión será a posta en marcha dun carné bibliotecario único, co que se poderá obter información sobre que material ten en préstamo o usuario, non permitirá fraude, xa que a súa información aparecerá en todas as bibliotecas, e ofrecerá a posibilidade de consultar os libros que existen en todas as bibliotecas da rede.

Por suposto, despois de dotar ás bibliotecas co material tecnolóxico, planificouse a formación dos bibliotecarios na utilización de GNULinex de xeito que adquiran as habilidades tecnolóxicas necesarias, despois do cal poderán actuar coma dinamizadores das novas tecnoloxías nos seus centros.

Fonte:Extremadura al día

Diversos colectivos de todo o estado, entre os que se atopa AGNIX, protestan de xeito conxunto polas emendas introducidas o pasado día 31 de maio pola Comisión de Administración Pública do Senado á Lei de Acceso Electrónica dos Cidadáns ás Administracións Públicas (LAECAP).

En opinión destes colectivos estas novas emendas impiden que a lei recoñeza o dereito dos cidadáns a non ser discriminado polo tipo de hardware e software empregado. Ademais desaparecen as garantías de que as aplicacións informáticas desenvolvidas polas administracións vaian ser liberadas para o seu libre uso e distribución así como se impide que os cidadáns poidan auditar o código fonte daquelas aplicacións empregadas para realizar trámites coa administración.    

O First National Bank de Suráfrica estivo a avaliar GNU/Linux; como resultado, Novell Suráfrica anunciou que chegou a un acordo co First National Bank surafricano para estandarizar os 12.000 equipos de escritorio do banco.

O cambio destes equipos a GNU/Linux é o máis significativo en África canto ao uso de tecnoloxías libres. Un responsáble de Novell declarou que a habilidade da súa empresa de ofrecer un sistema completo que sexa capaz de dar soporte despois da implantación da solución é a longo prazo e que estabelecer unha relación de confianza co FNB foi a chave para chegar a este acordo. 

Alén diso, o contorno de escritorio continúa a ser unha solución preparada para usar. Marius Agenbag, director de Ubusha Technologies, salientou que Novell foi elixido a se basearen na liberdade e na flexibilidade que achega. Para alén diso, moitos produtos precisan cambiarse, adaptarse e personalizarse ás necesidades particulares do FNB, un feito que sería imposíble sen o acceso directo ao código e sen unha adherencia aos estándares abertos.

Ligazón á nova orixinal:
http://www.tectonic.co.za/view.php?id=1562

BMW está a empregar Novell SuSE Linux Enterprise Server (SLED) e virtualizacións Xen nos seus centros de datos.

Segundo as declaracións do director de Solucións de Plataformas Abertas e vicepresidente de Novell, «A integración asegura que todas as pezas da solución traballarán ben en conxunto, igual que no caso do código aberto, xa que elimina os «bloqueos dos vendedores» e mellora a elección dos consumidores».

Despois dalgunhas probas no seu centro de investigación de EE UU e Alemaña, o grupo decidiu despregar un centro de datos virtual e empregar para iso SLED e Xen en Intel x86 dual-core. Segundo parece, engadirá unha flexibilidade maior ao ciclo de vida dos servidores…

BMW non é o primeiro en empregar SuSE pois Audi xa o estaba a empregar.

Cada vez máis empresas apostan polo software libre debido á súa flexibilidade, á súa transparencia e á súa eficiencia. No caso de BMW, empregaron Xen en contraposición a outras alternativas privativas que xa valoraran.

Ligazón á nova:
http://www.tectonic.co.za/view.php?id=1567

A Terceira Conferencia Internacional sobre os Sistemas de Código Aberto terá lugar do 11 ao 14 de xuño de 2007 en Limerick (Irlanda):

Desde á súa páxina web pode lerse:

«Desde a última década, o fenómeno do código aberto tivo un impacto global no modo en que as organizacións e as persoas individuais crean, distribúen, adquiren e usan software e servizos baseados en software. O software de código aberto enfrontouse ao saber popular e convencional da enxeñaría do software e das comunidades que fan negocios con software. O software de código aberto é un fenómeno complexo que require un coñecemento interdisciplinario sobre a súa dinámica na enxeñaría, na técnica, na economía, etc»…

Ligazón ao web da conferencia:
http://www.oss2007.org
http://oss2007.dti.unimi.it/

Ligazón á nova en IDABC:
http://ec.europa.eu/idabc/en/document/6551/472