A Ciberirmandade da Fala abre a súa web a todos aqueles que teñan interese en publicar novas sobre diversos temas como lingua, política, ecoloxía, cultura… Entre os obxectivos deste colectivo está ofrecer ferramentas informáticas libres en galego para o que integraron no seu portal a ferramenta de tradución colaborativa TraduCIF. A comunidade tradutora da Ciberirmandade da Fala fixo importantes achegas como a adaptación ao galego do Joomla! ou PhpBB. A posibilidade de introdución de noticias por parte dos internautas forma parte da renovación da web deste colectivo.
