A LiMo Foundation é un ente de recente creación que promoverá o emprego de Linux nos teléfonos móbiles como alternativa a MS Windows. Esta fundación foi creada por grandes empresas relacionadas coa telefonía que perseguen sentar a base para establecer uns estándares mínimos que aseguren a compatibilidade entre as distintas distribucións que xurdan orientadas a móbiles.
LiMo Foundation será independente das empresas que a crearon aínda que estas manterán unha forte influencia sobre ela. Preténdese que sexa a comunidade de desenvolvedores e usuarios os que guíen os pasos da fundación.
Outros dos obxectivos desta organización son xerar distribucións para telefonía, promover o seu uso e establecer unha certificiación que demostre o cumprimento da especificación. Ademais tentará forxar relacións con entidades simulares coma The Linux Foundation.
