Este sitio web utiliza cookies para que podamos brindarle la mejor experiencia de usuario posible. La información de las cookies se almacena en su navegador y realiza funciones tales como reconocerlo cuando regresa a nuestro sitio web y ayudar a nuestro equipo a comprender qué secciones del sitio web encuentra más interesantes y útiles.
Onte tivo lugar na Escola Superior de Enxeñería da Universidade de Santiago de Compostela unha xuntanza para a creación dunha Asociación de Empresas Galegas de Software Libre. Nesta primeira reunión estiveron presentes dez empresas que se amosaron optimistas e dispostas a traballar neste proxecto encamiñado a defender os intereses comúns e a establecer redes de dinamización. Nos blogues de Roberto Brenlla e Javier Vázquez ou na web de GALPon tedes algunhas reflexións sobre esta xuntanza. Os interesados en participar nesta iniciativa poden contactar cos promotores a través do seu enderezo electrónico.
Tamén participou Daniel Armendáriz, Presidente de ESLE, a asociación de empresas vascas de Software Libre, que expuxo a súa experiencia e falou sobre a necesidade de crear agrupacións rexionais de empresas de Software Libre que se integren nunha asociación estatal.