Italia ten agora o seu propio repositorio de Internet para desenvolver aplicacións de software aberto para as administracións públicas. Luigi Nicolais, o ministro para Innovación na Administración Pública, presentou o sitio web titulado «Ambiente di Sviluppo Cooperativo», (Contorno de Desenvolvemento Cooperativo)…
Nicolais comentou que o uso de Software Libre axuda a reducir custos e abre o mercado das novas tecnoloxías e salientou que este tipo de software é sinxelo de adaptar aos seus requirimentos e fácil de compartir. Ademais, apuntou que o seu uso é parte da estratexia no goberno italiano.
O sitio web de desenvolvemento está albergado no centro para Tecnoloxías da Información na Administración Pública en Roma por Cnipa. Ademais, Cnipa está a usar GForge (ao igual que a forxa de mancomun) para albergar os proxectos en desenvolvemento.
Como dato estatístico (dado polo presidente de Cnipa) en 2005, o 54% do goberno Italiano estaba a usar software aberto, unha porcentaxe que se incrementou até o 67 %.
Fonte: idabc
