Dende onte atópase dispoñible para a súa descarga a versión 2.3 de OpenOffice.org. Esta versión incorpora novas características e melloras para todos os compoñentes da suite, ademais de protexer aos usuarios contra novas vulnerabilidades descubertas.
Polo momento só está dispoñible para descargar a versión en inglés, estando á espera de que proporcionen as distintas localizacións, entre elas a galega.
Cabe salientar entre as melloras, por exemplo, a incorporación no Writer de certa intelixencia para mellorar o tratamento de documentos multilingües así como un novo filtro de exportación de documentos en formato MediaWiki (Wikipedia); a mellora da productividade do Calc, materializada por exemplo na función Autosuma, ou nos filtros de importación e exportación; ou progreso no desenvolvemento da aplicación Base para a que existen numerosas extensións dispoñibles na páxina de extensións do OpenOffice.org.
