Xa van dous anos dende que Sun liberou OpenSolaris, unha versión de código aberto do sistema operativo Solaris 10 Unix. Dende xuño de 2005 liberou outras partes do seu código, entre os que destaca o núcleo da plataforma Java en Novembro do ano pasado.
A liberación do código fonte de Solaris Cluster, coñecido como Open High Availability Cluster, terá lugar nun prazo de 18 meses a través de High Availability (HA) Clusters community na páxina Web de OpenSolaris.
O código fonte estará dispoñible baixo licenza CDDL ( Common Development and Distribution License), segundo aunciou Paul Steeves, director de marketing de Sun. Polo momento non está planeada a liberación do código baixo licenza GPL tal como fixo Sun anteriormente con Java.
